「鬧鐘響咗三次都唔醒」、「明明起咗身又咪咪摸摸」、「臨出門口先嚟搵襪，又要去廁所」……
各位患有ADHD小朋友嘅家長，每日朝頭早，絕對係全日最痛苦、最無力嘅時刻。忍無可忍大叫一句，結果換嚟小朋友情緒崩潰、掉書包，搞到全家心力交瘁 😭
其實，ADHD 小朋友嘅大腦由「發夢模式」切換到「返學模式」係極度困難，加上天生「時間盲」（Time Blindness），根本感受唔到你口中嘅「仲有 5 分鐘」有幾逼切。
今集影片，同大家一齊「設計」一個 Good Morning，分享實用、唔使鬧嘅早晨攻略！

每次做功課都好似「打仗」咁？明明書房已經好靜，佢又要un腳、扭嚟扭去，甚至堅持要聽住歌先做到功課？
好多家長見到呢一幕，心入面真係火都嚟埋😡，心諗：「環境咁好，點解你又要搞事？點解你就唔可以專心啲？」
今日，我會用腦科學角度，幫大家揭開呢個「感官嗌救命」嘅真相，教你點樣幫 ADHD 小朋友打造一個「專注空間」，唔使鬧，一樣可以提升學習效率！

患有ADHD的朋友，你有冇試過明明全日都冇做過乜嘢體力勞動，但一返到屋企就覺得成個人好似「斷咗電」咁？今日我會大家拆解大腦入面兩條好重要嘅頻道：一條係負責「做正經嘢」，另一條係負責「發白日夢」。對於 ADHD 嘅朋友嚟講，呢兩條頻道係會同時大聲播放，搞到大腦入面成日「卡晒牙」。一齊嚟睇下，點樣可以唔再因為呢種「無形嘅內耗」而自責！

明明睇完鐘覺得仲有時間，諗住順手碌吓手機，點知一抬頭半個鐘就無端端消失咗？
呢個可能係你大腦入面一個叫『時間盲症(Time Blindness)』嘅現象！
🚀 【ADHD 時間盲自救指南】三部曲預告
嚟緊一連三集實戰片，逐一幫你突破大腦嫌煩、自動免疫同過熱 Hang 機嘅死穴： 1️⃣ 第一部曲【懶人外掛篇】：極省腦力、連數字都唔使入、動口不動手嘅「無痛計時法」！ 2️⃣ 第二部曲【打破免疫篇】：拆解鬧鐘點解用兩星期就失效？教你 3 招大腦估你唔到嘅長效策略！ 3️⃣ 第三部曲【良性微壓力篇】：反客為主！主動製造微型死線，將「唔到 Deadline 不開機」變成自由控制嘅超人專注力！

「解鎖手機、搵個 App、輸入數字再撳 Start，未開始做嘢，個腦已經頂唔順。」🤯
各位有 ADHD 傾向或者受「時間盲症（Time Blindness）」困擾嘅朋友，上一集講完要用計時器，我相信好多人嘅心聲都係：Set timer 真係好煩、好反人性！今日同大家分享 3 個大腦最無痛、操作成本接近零嘅計時器玩法，幫你負責對外執行任務嘅大腦網絡極速開機、輕鬆 Online！

ADHD 嘅大腦極度聰明，只要一件事重複、變得可以預測，你個前額葉好快就會將佢判定做無用嘅背景噪音，然後放任發白日夢嘅大腦網絡出嚟搶走個控制權。想令時間外掛長效有用？你就一定要比大腦更「奸」，等佢永遠估你唔到！今日呢條片會分享 3 個基於腦科學嘅變陣套路，幫你嘅大腦 Online！

平時Set幾多個鬧鐘都冇用，但只要去到臨出門口最後 5 分鐘、或者 Deadline 前最後一晚，你個腦就會突然好似開咗竅咁，做嘢快、靚、正？不如反客為主，主動利用呢種特質！今日最終章同大家分享點樣人為製造「微型 Deadline」，將死線恐慌變成可以自由控制嘅「良性微壓力」，呃大腦 TPN 專注網絡極速 Online！

你有冇試過喺某個瞓唔落嘅深夜，個腦突然毫無預兆、3D 立體聲咁重播緊你十幾年前中學時期，喺全班面前講錯嘢嘅魚事？又或者，今日老細明明讚咗你 9 句，只係順口提咗 1 句意見，你就喺張床度將嗰 1 句批評無限 Loop，內心瘋狂審判自己，覺得自己好廢、好失敗？
如果你經常陷入呢種熄唔到機嘅「自我檢討」，呢個唔係你悲觀，亦唔係你個人有問題，而係你大腦入面嘅神經網絡卡住咗！
今集會同大家分享3 招解鎖情緒內耗!

明明出門口時間就快到，但成個人偏偏好似Hang 晒機咁，卡喺床邊或者梳化度郁都郁唔到？你心入面其實清清楚楚知道自己要做乜，但意圖同肌肉之間好似隔咗一道厚牆，點樣都撻唔著火？
今集大家拆解大腦撻唔著火嘅大腦神經真相，兼分享 4可以瞬間幫大腦 Action 嘅秘訣！

每到夜晚要收電子產品嘅時間，小朋友就就發爛渣、爆喊、甚至出手推你？明明講好咗，點解一到熄機時間就賴貓？
今集會分享 4 招尊重ADHD小朋友大腦機制嘅「和平熄機」實戰技巧，以及當小朋友失控時嘅終極處理方法，幫你唔需要大吵大鬧，都能輕鬆熄機！

原本打算覆 Email，點知發現自己喺度睇 IG、訂機票？
明明入廚房拎杯水，最後完全唔記得自己入去係做乜？
好多 ADHD嘅朋友受呢種Sidetrack 分心現象困擾。今集同大家拆解背後原因，並分享 3 招超實用嘅「防分心自救法」，幫你將心散嘅大腦即刻拉返返嚟！